PapaAnawa
agdadamo
Posts: 3
|
 |
« on: September 17, 2007, 03:03:04 AM » |
|
Meysa nga member ti GUMIL Philippines wenno Filipinas ti nangited man keniak kadaytuy nga open letter ket baka no mayat nga ipabasa ditoy ta open met ngarud, ketnu anamet ti makunayo nga dadduma nga members ti GUMIL Philippines wenno daytoy TMI Philippines wenno TMI America?
Silulukat a surat iti GUMIL Filipinas,
Manipud pannakabuangay ti GUMIL OAHU (GO), inkarigatanmi a sinurot dagiti pagalagadan ken panagem ti GO kas nailanad iti CBL. (Siam a bulan a nakirinrinnupirkami iti GUMIL Filipinas (GF), sakbay a nabigbig ti GO kas maysa a tsapter ti GF ken tsapter a makipatas iti tukad iti GUMIL Hawii (GH).
Idi maammoanmi nga adda Ilokano program iti University of Hawaii (UH), dagus a naaramid ti resulusion tapno maipaay ti naan-anay a tulong ken pannarabay kadagiti mangisursuro ken agad-adal iti Iluko. Nailungalong pay ti pannakapaadda ti pundo para iti iskolarship dagiti agadal iti kurso nga Iluko babaen ti panagpabuya iti kultura Ilokana drama, bukanegan, sala, kinnantaran, kdp.) ken panagsulisit iti pundo kadagiti kakailian nga agindeg iti Hawaii. Idi naisalpa iti kamara ti Hawaii ti resulusion a manayonan ti mangisuro iti Pilipino ken Iluko dita UH, napankami nag-lobby dita kapitolio ken napanmi impeksa ti napigsa nga isasarurongmi (testimonia) idi usigen ti komite ti nasao a gakat. (Napatgan daydi a gakat ket nanayonan ti kameng/mangisuro ti Ilokano program iti UH.)
Idi maammuanmi ti panggep ni Teresito Gabriel Tugadi (TGT) a mangbuangay iti GUMIL America (GA) ken GUMIL Global (GG), sinupiatmi a dagus agsipud ta ammomi a makadadael daytoy iti urnos ti GUMIL. Kinunami a no mabuangay ti GA, agparang a daytoy ti ina a gunglo dagiti GUMIL Maui, Hawaii, Hawaii Grande, Oahu ken California – banag a saanmi nga anamongan. Maipanggep iti GA, addan GUMIL Filipinas a nagkamengan dagiti gunglo iti ruar ti Filipinas ket umdasen ti maysa a mamagrereppeng kadagiti mannurat nga Ilokano iti intero a lubong ken ti mangisayangkat iti global a panagem.
Impatigmaanmi ketdi nga agkameng pay la nga umuna ni TGT iti maysa a GUMIL tsapter wenno mangbuangay iti tsapter iti lugar a pagnanaedanna (ngem masapul a mairehistro dayta a tsapter iti GF tapno mabigbig a kameng.)
Impalagipmi pay a dagiti laeng kameng ti GUMIL ti addaan karbengan a makipaggamulo iti pakaseknan ti GUMIL.
Saan nga inrupir ni Apo Tugadi daydi panggepna a mangbuangay iti GA ken GG.
Pagammoam, impakdaar ni Apo Tugade ti pannakabuangay ti “Timpuyog dagiti Mannurat nga Ilokano iti America ken iti Global” (TMI America ken TMI Global).
Iti daytoy a gundaway, nagduaduakami iti pudno a panagem ni Apo Tugade. Impapanmi a saan a GUMIL ti kangrunaan a gandat ni TGT a buklen no di ket panagbalinna a presidente ti maysa a grupo – uray ania a grupo basta agparang a nasional wenno internasional.
Maipalagip nga idi damo a nakisarita kadakami iti telepono (nag-3waykami kada Apo Arnold Baxa), naagapadna a panggepna ti agpa-Hawaii tapno agawis iti babaenna (downline) iti Xango.
Mainaig iti daytoy, atapenmi a ranta ni TGT nga aramaten ti GUMIL ken dagiti kamkameng tapno makabukel iti bukodna a marketing network. Atapenmi a saan nga irarang-ay ti literatura Ilokana, a kas kayatna a pagparangen, ti panggep ni Apo Tugade no di ket ti panagrapanga ti bunggoyna nga aglako iti Xango.
Saan a nakibiang ti GO iti panangbukel ni TGT iti TMI Amerina/Gobal. Ngem ti panangagapadna kadagiti dadduma nga opisial ti GO a kas opisial ti TMI ti sinupiatmi agsipud ta awan pammalubos dagitoy ken dida kayat ti agtakem nga opisial ti TMI.
Gapu kadagiti nailanad iti ngato, imbilangmi ni Teresito Gabriel Tugade a persona non grata iti GO.
Iti bukodmi a biang, tangay ar-aramiden ti GO dagiti annongenna iti irarang-ay ti literatura Ilokana ken iti pannakatagiben ti kultura, awan rason dagiti kameng ti GO a makikappeng pay iti sabali a gunglo nga addaan iti umadas a panggep iti gunglomi. Nupay kasta, impakaammomi nga awan kameng a mapengdan a makisina iti GO.
Kamaudiananna, tangay saan a kinayat ni Teresito Gabriel Tugade a suroten ti istraktura ken pagannurotan ti GF, kiddawen daytoy nagsurat a saan koma a mapalugodan a mairaman ken makiraman ni TGT, ken ti TMI, kadagiti amin nga aktibidades ken programa ti GUMIL Filipinas. Maisingasing a mailigsay ti nagan dagiti makikameng iti TMI America iti listaan ti GUMIL Filipinas.
RIC AGNES
Adviser, GO
|
