|
Salip iti Daniw a Tagalog ti KWF iti 2008 |
|
|
|
|
Impaskil ni paraposte
|
|
Monday, 25 February 2008 |
Makisalip itan iti Talaang Ginto: Gawad Surian sa Tula-Gantimpalang Collantes 2008 ti Komisyon sa Wikang Filipino (2008) ta asidegen ti deadlinena, inton Marso 10, 2008 (no apay met a sa la iyanunsio ngamin ti KWF daytoy a salip no umadanin ti deadlinena; a, ngem tandaananyo lattan, a, ngamin, a kada Abril 2 ti awardingna daytoy, isu a sakbayanyo lattan).
Daniw a Tagalog (wenno Filipino, no isu) ti mapagsasalipan, kas naikadawyan ket nawadwad dagiti premio a kuarta malaksid a ti umuna a gunggona mabalangatan pay kas "Makata ng Taon 2008." Agasem dayta a dayaw no sika a patneng nga Ilokano nga umiiloko ket mangabak iti salip ti Tagalog a daniw? Ay, agbilib la ketdi kenka dagiti Tagalog a mannurat ket dilamutanda ti sungoda iti apalda ta apay nga inabak ida ti maysa nga Ilokano!
Downloaden itan ti pagannurotan ken ti formulario ti salip ket ipatulodmon 'tay ul-ulsam a Tagalog a daniwmo. Ania ti ammom no maysaka ita a tawen kadagiti mangyalat kadagitoy a premio: umuna, P15,000; maikadua, P10,000; maikatlo, P8,000. Adda pay tropeo dagiti umuna a tallo. Sag-P3,000 met ken plake ti pammadayaw ti gunggona ti sumaruno a tallo a mapili kas karangalang-banggit.
Sarungkaran ti website ti KWF para iti ad-adu pay nga informasion (anusanyo laeng ti aguray ta napalalo met itan a buntogna ti websitedan).
|
| 
